Memleket basshysy kórnekti kınorejısser Ardaq Ámirqulovtyń otbasyna kóńil aıtty
ASTANA. KAZINFORM – Prezıdent Qasym-Jomart Toqaev Qazaqstannyń eńbek sińirgen qaıratkeri, Memlekettik syılyqtyń laýreaty jáne «Qurmet» ordeniniń ıegeri Ardaq Ámirqulovtyń dúnıeden ótýine baılanysty marqumnyń týǵan-týystaryna kóńil aıtty.
– Ardaq Ámirqulov bar sanaly ǵumyryn kıno ónerine arnap, ult mádenıetin ulyqtaýǵa mol úles qosty. Kásibı kınoger retinde «Otyrardyń kúıreýi», «Abaı», «Qosh bol, Gúlsary!» sııaqty tarıhı týyndylardy taspalap, tól rýhanııatymyzdyń altyn qoryn baıyta bildi. Qazaq kınematografııasyn órkendetý jolynda ustazdyq qyzmet atqaryp, daryndy shákirtter tárbıeledi. Sońyna rýhanı mol mura qaldyrǵan Ardaq Ámirqulovtyń ımany salamat, jany jánnatta bolsyn, – dep jazylǵan jedelhatta.
Osyǵan deıin kınorejısser Ardaq Ámirqulovtyń ómirden ótkeni týraly jazdyq.
