Prezıdent Qorǵanys mınıstrine áskerı jáne quqyqtyq tártipti kúsheıtý jóninde naqty mindetter júktedi
ASTANA. KAZINFORM - Memleket basshysy Qorǵanys mınıstri Dáýren Qosanovty qabyldady, dep habarlaıdy Aqordanyń baspasóz qyzmeti.
Prezıdent – Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Toqaev qorǵanys vedomstvosynyń 2025 jyly atqarǵan qyzmeti týraly esepti tyńdady.
Memleket basshysyna armııanyń jaýyngerlik ázirligi jáne Qarýly kúshterdi damytýdyń basymdyqtary jóninde málimet berildi.
Dáýren Qosanov tsıfrlyq tehnologııalardy engizý, áskerı-patrıottyq tárbıe jumystary, sondaı-aq qorǵanys ınfraqurylymyn jetildirý sharalary týraly baıandady.
Sonymen qatar Prezıdenttiń Qarýly kúshter sapynda tártip ornatý jónindegi tapsyrmasynyń oryndalý barysy jaıynda aqparat usynyldy.
Kezdesý sońynda Joǵarǵy Bas qolbasshy mınıstrge armııanyń jaýyngerlik ázirlik deńgeıin arttyrý, áskerı jáne quqyqtyq tártipti kúsheıtý jóninde naqty mindetter júktedi.
Aıta keteıik, Prezıdent osyǵan deıin Qarjylyq monıtorıng agenttiginiń tóraǵasy Janat Elımanovty qabyldady.