Memleket basshysy Koreıa Respýblıkasynyń Prezıdentin quttyqtady
ASTANA. KAZINFORM - Qasym-Jomart Toqaev Koreıa Respýblıkasynyń Ulttyq kúnine oraı Prezıdent Lı Chje Meńge quttyqtaý jedelhatyn joldady, dep habarlaıdy Aqordanyń baspasóz qyzmeti.
Prezıdent koreı halqynyń baı tarıhı-mádenı murasyn, ulttyq birligi men yntymaǵyn ulyqtaıtyn aıtýly kúnniń mańyzyna aıryqsha toqtalyp, eki el arasyndaǵy san qyrly yntymaqtastyq joǵary deńgeıde damyp kele jatqanyn atap ótken.
– Jaqynda Seýlge jasaǵan sapar barysynda ekijaqty qarym-qatynasymyzdy bolashaqqa baǵdarlanǵan jan-jaqty strategııalyq seriktestik deńgeıine kóterdik. Bul sheshim dostyq pen berik áriptestikke negizdelgen qazaq-koreı yqpaldastyǵyn halyqtarymyzdyń ıgiligi úshin óristete beretinine kámil senemin, – dep jazylǵan jedelhatta.
Qasym-Jomart Toqaev Lı Chje Meńniń jaýapty qyzmetine tolaıym tabys, al dostas koreı halqyna baıandy órkendeý men qut-bereke tiledi.
