Memleket basshysy Koreıa Prezıdentine quttyqtaý jedelhatyn joldady

ASTANA. KAZINFORM — Qasym-Jomart Toqaev Lı Chje Meńdi jáne koreı halqyn osy eldiń Ulttyq kúnimen quttyqtady. Bul týraly Aqordanyń baspasóz qyzmeti habarlady. 

Memleket basshysy Qazaqstan men Ońtústik Koreıa arasyndaǵy san qyrly baılanys qarqyndy túrde nyǵaıyp kele jatqanyna nazar aýdaryp, qos halyqtyń ıgiligi jolynda strategııalyq seriktestikti odan ári tereńdetý úshin kúsh-jiger biriktirýge beıil ekenin rastady.

Qasym-Jomart Toqaev Lı Chje Meńniń jaýapty memlekettik qyzmetine tabys, al dostas Koreıa Respýblıkasyna qut-bereke tiledi. 

Aıta ketelik búgin Memleket basshysy Qasym-Jomart Toqaev Kazakhstan Energy Week — 2025 jáne XVI Eýrazııalyq KAZENERGY forýmy qatysýshylary men qonaqtaryna arnaıy úndeý joldaǵan edi.