Memleket basshysy Koreıa Prezıdentine quttyqtaý jedelhatyn joldady

ASTANA.KAZINFORM — Qasym-Jomart Toqaev Lı Chje Meńdi týǵan kúnimen quttyqtady. Bul týraly Aqordanyń baspasóz qyzmeti habarlady. 

Prezıdent jedelhatta Koreıa Respýblıkasy Qazaqstannyń Azııadaǵy senimdi seriktesi ekenin atap ótip, eki el arasyndaǵy zor áleýetke ıe yntymaqtastyqty odan ári nyǵaıtýǵa erekshe mán beretinin jetkizgen. Sonymen qatar Koreıa Prezıdentimen birge kúsh-jiger jumyldyra otyryp, keńeıtilgen strategııalyq áriptestikti jańa deńgeıge kóterýge ázirligin rastady.

Qasym-Jomart Toqaev Lı Chje Meńniń asa jaýapty qyzmetine tolaǵaı tabys, Koreıa halqyna qut-bereke tiledi.

Aıta ketelik Memleket basshysy Joǵary Eýrazııalyq ekonomıkalyq keńestiń otyrysyna qatysqan edi.