Memleket basshysy Konstıtýtsııalyq komıssııanyń tóraǵasyn qabyldady

ASTANA. KAZINFORM – Prezıdent Qasym-Jomart Toqaev Konstıtýtsııalyq komıssııa tóraǵasy – Konstıtýtsııalyq sot tóraǵasy Elvıra Ázimovany, Konstıtýtsııalyq komıssııa tóraǵasynyń orynbasary – Memlekettik keńesshi Erlan Qarındi jáne Konstıtýtsııalyq komıssııa múshesi – Prezıdenttiń quqyqtyq máseleler jónindegi kómekshisi Erjan Jıenbaevty qabyldady. Bul týraly Aqordanyń baspasóz qyzmeti habarlady. 

Memleket basshysyna Konstıtýtsııalyq komıssııanyń buǵan deıin ótken otyrystarynyń nátıjesi týraly málimet berildi. Elvıra Ázimova Komıssııa qyzmetiniń ashyqtyǵyn qamtamasyz etý maqsatynda barlyq otyrys medıa keńistikte, sonyń ishinde arnaıy telegramm arnalary arqyly tikeleı kórsetilip jatqanyn baıandady. 

Konstıtýtsııalyq komıssııa tóraǵasy jarty jyl boıy Konstıtýtsııalyq reformalardy qoǵamdyq talqylaý ótkizilgenin aıtty. Elektrondy platformaǵa azamattardan, quqyqtanýshy ǵalymdardan, sarapshylardan, zańgerlerden, saıası partııalardan, úkimettik emes uıymdardan, kásiptik jáne bıznes qaýymdastyqtardan 2 myńnan asa usynys pen bastama kelip túsken. 

Osyǵan deıingi otyrystarda Komıssııa músheleri Konstıtýtsııa preambýlasynyń túbegeıli jańa redaktsııasyn, birqatar baptardy jáne bólimderdi ázirlep, qarastyrdy. 

Memleket basshysy aldaǵy Konstıtýtsııalyq reforma elimizdiń damýyna tyń serpin beretinin atap ótti. Al Komıssııa jumysy Konstıtýtsııalyq reformalardy iske asyrýda óte mańyzdy ról atqaratynyn jetkizdi. 

Buǵan deıin Memleket basshysynyń Izraıldiń syrtqy ister mınıstrin qabyldaǵanyn habarlaǵanbyz.