Memleket basshysy Kongo prezıdentin Táýelsizdik kúnimen quttyqtady
ASTANA. KAZINFORM — Memleket basshysy Kongo Demokratııalyq Respýblıkasynyń Prezıdentine quttyqtaý jedelhatyn joldady, dep habarlaıdy Aqordanyń baspasóz qyzmeti.
Qasym-Jomart Toqaev Felıks-Antýan Chısekedı Chılombo men onyń otandastaryn osy eldiń ulttyq meıramy — Táýelsizdik kúnimen quttyqtady.
— Prezıdent elimiz Kongo Demokratııalyq Respýblıkasyn Afrıka qurlyǵyndaǵy senimdi ári mańyzdy seriktesteriniń biri retinde qarastyratynyn atap ótken. Sonymen qatar birlesken kúsh-jiger arqyly ekijaqty yqpaldastyq qos halyqtyń ıgiligi jolynda damı beretinine senim bildirdi, — delingen habarlamada.
Qasym-Jomart Toqaev Felıks-Antýan Chısekedı Chılombonyń jaýapty qyzmetine tolaıym tabys, al dostas Kongo Demokratııalyq Respýblıkasynyń halqyna qut-bereke tiledi.
Budan buryn Memleket basshysy Germanııa Federaldyq ekonomıka jáne energetıka mınıstri Katerına Raıheni qabyldaǵanyn jazǵanbyz.
