Memleket basshysy: Qyzylordada fýtbol akademııasy salynady
ASTANA. KAZINFORM - Prezıdent Qyzylorda qalasyndaǵy 11 myń kórermenge arnalǵan jańa fýtbol stadıonyn aralap kórdi. Bul týraly Aqordanyń baspasóz qyzmeti habarlady.
Nysannyń qurylysy bıyl qazan aıynda aıaqtalǵan. Jańa sport kesheni UEFA talaby boıynsha IV sanatqa saı keledi. Arenada halyqaralyq saıystarmen birge mádenı is-sharalardy ótkizýge bolady.
Keshende boks, kúres, sporttyq gımnastıka, aýyr atletıka jáne basqa da sport túrlerine arnalǵan zaldar bar.
Memleket basshysy «Qaısar» fýtbol klýbynyń oıynshylarymen áńgimelesti.
– «Qaısar» – elimizde jeke menshikke ótken alǵashqy klýbtardyń biri. Aldaǵy ýaqytta fýtbol akademııasy salynady. Klýbtyń keleshegi jarqyn bolady dep oılaımyn. Barshańyzǵa tabys tileımin, – dedi Qasym-Jomart Toqaev.
Kezdesý sońynda Prezıdent fýtbol dobyna qoltańba qoıdy.
Prezıdent buǵan deıin Qyzylordaǵa sapary barysynda jańa jylý elektr ortalyǵyna bardy.