Memleket basshysy Kırstı Koventrıdi HOK prezıdenti bolyp saılanýymen quttyqtady
ASTANA. KAZINFORM – Memleket basshysy Qasym-Jomart Toqaev Kırstı Koventrıge Halyqaralyq Olımpıada komıtetiniń prezıdenti bolyp saılanýyna oraı quttyqtaý jedelhatyn joldady. Bul týraly Aqordanyń baspasóz qyzmeti habarlady.

Qazaqstan Prezıdenti Zımbabve ókiliniń sporttaǵy aıtýly jetistikterin jáne memlekettik qyzmettegi baı tájirıbesin atap ótip, onyń halyqaralyq olımpıada qozǵalysyn damytýdaǵy qyzmetine sáttilik tiledi.
Aıta keteıik, Kırstı Koventrı Halyqaralyq Olımpıadalyq komıtetiniń onynshy prezıdenti bolyp saılandy.
Daýys berý Grekııanyń Kosta-Navarıno qalasyndaǵy HOK-niń 144-shi sessııasynda ótti.
Ol bul qyzmette 2013 jyldan beri prezıdent bolǵan Tomas Bahty almastyrady. Bahtyń 2025 jyldyń aqpanynda qyzmetten ketetinin HOK Atqarýshy komıteti qoldady.
Júzýden eki dúrkin Olımpıada chempıony, Zımbabve sport mınıstri Kırstı Koventrı Halyqaralyq Olımpıadalyq komıtetin basqaratyn alǵashqy áıel basshy atandy. Sondaı-aq bul laýazymǵa alǵash ret Afrıka qurlyǵynyń ókili saılandy.