Memleket basshysy Kırıll Gerasımenkony absolıýtti chempıon bolýymen quttyqtady
ASTANA. KAZINFORM – Prezıdent Qasym-Jomart Toqaev tennısshi Kırıll Gerasımenkony jeńisimen jáne Qazaqstannyń absolıýtti chempıony ataǵyna ıe bolýymen quttyqtady. Bul týraly Týrızm jáne sport mınıstrligi habarlady.
- Ústel tennısi boıynsha Qazaqstan Respýblıkasynyń absolıýtti chempıony ataǵyna ıe bolýyńyzben quttyqtaımyn! Ulttyq quramanyń kóshbasshysy bola otyryp, osy olımpıadalyq sport túriniń elimizde jáne shetelde damýy men tanylýyna eleýli úles qostyńyz. Eń joǵary deńgeıdegi jarystarda jańa jeńister tileımin! - delingen quttyqtaý hatta.
Otandasymyz mundaı joǵary qurmettiń aldaǵy jetistikterge jigerlendiretinin atap ótip, janynda bolǵandarǵa alǵysyn jetkizdi.
Gerasımenko Almatyda ótken ústel tennısinen Qazaqstan chempıonatynda úsh altyn medal jeńip alyp, Qazaqstannyń absolıýtti chempıony atandy. Ol barlyq baǵdarlamada úzdik nátıje kórsetken bolatyn.
Eske sala keteıik, buǵan deıin Almatyda ústel tennısinen Qazaqstan chempıonatynyń komandalyq saıystarynyń jeńimpazdary anyqtalǵanyn jazǵan edik.