Memleket basshysy Qyrǵyzstan Prezıdentin Táýelsizdik kúnimen quttyqtady

ASTANA. KAZINFORM — Qasym-Jomart Toqaev Qyrǵyzstan Prezıdentine quttyqtaý jedelhatyn joldady, dep habarlaıdy Aqordanyń baspasóz qyzmeti.

Memleket basshysy Qazaqstan halqynyń jáne óz atynan Prezıdent Sadyr Japarov pen onyń otandastaryn Qyrǵyzstannyń Táýelsizdik kúnimen quttyqtady.

— Elimiz qazaq-qyrǵyz san qyrly strategııalyq seriktestigi men odaqtastyǵyn odan ári tereńdetýge basa mán beredi. Birlesken kúsh-jiger arqyly ǵasyrlardan tamyr tartatyn dostyq, tatý kórshilik jáne ózara qoldaý rýhyndaǵy memleketaralyq baılanystardy nyǵaıtýda aıtarlyqtaı nátıjege qol jetkizetinimizge senimim mol, — dedi Qasym-Jomart Toqaev.

Osyǵan deıin Prezıdent ShYU sammıtine qatysý úshin Tıantszın qalasyna barǵanyn jazǵan edik.

Keıinnen Memleket basshysy QHR Tóraǵasy Sı Tszınpınmen kelissóz júrgizdi.