Memleket basshysy Qyrǵyzstannyń Sholpan-Ata qalasyna bardy
ASTANA. KAZINFORM – Memleket basshysy Ortalyq Azııa jáne Ázerbaıjan memleketteri basshylarynyń beıresmı Konsýltatıvtik kezdesýine qatysý úshin Sholpan-Ataǵa bardy.
Bul týraly Aqordanyń baspasóz qyzmeti habarlady.
Qasym-Jomart Toqaevty áýejaıda Qyrǵyzstan Mınıstrler kabınetiniń tóraǵasy – Prezıdent Ákimshiliginiń basshysy Adylbek Qasymalıev qarsy aldy.
Osyǵan deıin Memleket basshysynyń Qyrǵyzstan Prezıdenti Sadyr Japarovtyń shaqyrýymen 31 shilde — 1 tamyz kúnderi Ortalyq Azııa jáne Ázerbaıjan memleketteri basshylarynyń beıresmı Konsýltatıvtik kezdesýine qatysý úshin Sholpan-Ataǵa saparmen baratyny týraly jazdyq.
