Memleket basshysy Qyrǵyzstan Prezıdentine quttyqtaý jedelhatyn joldady
Prezıdent Qasym-Jomart Toqaev Qazaqstan halqynyń jáne jeke óziniń atynan Sadyr Japarovty eki el arasyndaǵy Odaqtastyq qatynastar týraly shartqa qol qoıylǵanyna 20 jyl tolýymen quttyqtady.
Bul týraly Kazinform Aqordanyń resmı saıtyna silteme jasap habarlaıdy.
– 2003 jylǵy shart qazaq-qyrǵyz qatynastarynyń damýynda jańa kezeńniń bastalǵanyn bildiredi. Bizdiń kópjaqty memleketaralyq baılanystarymyzdy tıimdi ilgeriletý úshin berik sharttyq-quqyqtyq negiz qalandy. Barlyq deńgeıdegi belsendi saıası dıalog, saýda-ekonomıkalyq jáne mádenı-gýmanıtarlyq salalardaǵy yntymaqtastyqtyń qarqyndy damýy, sondaı-aq eki eldiń halyqaralyq arenadaǵy tyǵyz yqpaldastyǵy – sonyń aıqyn dáleli, – dep jazylǵan jedelhatta.
Qasym-Jomart Toqaev birlesken kúsh-jigerdiń arqasynda Qazaqstan men Qyrǵyzstan arasyndaǵy strategııalyq seriktestik pen odaqtastyq qatynastar odan ári nyǵaıyp, ekijaqty yqpaldastyqtyń orasan zor áleýeti baýyrlas halyqtardyń ıgiligi úshin qyzmet ete beretinine senim bildirdi.
