Memleket basshysy Kıpr Prezıdenti Nıkos Hrıstodýlıdısqa quttyqtaý jedelhatyn joldady

 ASTANA. KAZINFORM - Qasym-Jomart Toqaev Nıkos Hrıstodýlıdısty Kıpr Respýblıkasynyń Táýelsizdik kúnimen quttyqtap, onyń otandastaryna baq-bereke tiledi, dep habarlaıdy Aqordanyń baspasóz qyzmeti.

Qazaqstan Prezıdenti Astana men Nıkosııa arasyndaǵy yntymaqtastyqtyń aıasy jyldan jylǵa keńeıip kele jatqanyna toqtaldy. Sonymen qatar eki eldiń ózara túsinistikke negizdelgen dostyq qarym-qatynasy odan ári nyǵaıa beretinine senim bildirdi.

Osyǵan deıin Memleket basshysy Nıgerııa Prezıdentin táýelsizdiktiń 65 jyldyǵymen quttyqtaǵan bolatyn.