Memleket basshysy QHR Tóraǵasyna quttyqtaý jedelhatyn joldady
ASTANA. KAZINFORM – Qasym-Jomart Toqaev Sı Tszınpındi Qytaı Halyq Respýblıkasynyń qurylǵanyna 77 jyl tolýymen quttyqtady, dep habarlaıdy Aqordanyń baspasóz qyzmeti.
– Uly Qytaı tarıhynda jańarý men jańǵyrýdyń biregeı nyshany bolǵan bul kúnniń orny erekshe. Elińiz ózindik dástúri men baı mádenıetin saqtap, damý men ekonomıkalyq órleýdiń jarqyn úlgisin kórsetip keledi. Ásirese, Qytaıdyń ǵylymı-tehnologııa, ınnovatsııa men tsıfrlyq ekonomıka salalaryndaǵy tolaǵaı jetistikteri jahandy tańǵaldyrdy, – dep jazylǵan jedelhatta.
Qasym-Jomart Toqaev eki el arasyndaǵy dostyq pen tatý kórshilikke negizdelgen máńgi jan-jaqty strategııalyq seriktestik tyń qarqynmen damyp kele jatqanyn atap ótti.
Sonymen qatar bıyl Shanhaıdaǵy júzdesý ózara yqpaldastyqtyń keleshegine degen ortaq kózqarasty bekemdep, san qyrly yntymaqtastyqtyń kókjıegin keńeıtýge jol ashqanyna toqtaldy.
Prezıdent Qytaı Tóraǵasynyń jaýapty memlekettik qyzmetine tolaıym tabys, al dostas Qytaı halqyna qut-bereke tiledi.
Osyǵan deıin Memleket basshysy Nıgerııa Prezıdentin Táýelsizdik kúnimen quttyqtady.
