Memleket basshysy QHR Tóraǵasyna quttyqtaý jedelhatyn joldady

ASTANA. KAZINFRM - Qasym-Jomart Toqaev qazaqstandyqtardyń jáne jeke óziniń atynanSı Tszınpın men Qytaı halqyn «Chýntsze» merekesimen quttyqtady, dep habarlaıdy Aqordanyń baspasóz qyzmeti. 

– Qytaı Halyq Respýblıkasynyń qurylǵanyna 75 jyl tolýymen tuspa-tus keletin bıylǵy aıdahar jyly memleketińizdi odan ári órkendetý jolynda jetistikterge toly bolaryna senimdimin. Osy tusta Sizdiń mańyzdy strategııalyq bastamalaryńyz ben tyń josparlaryńyzdyń sátti júzege asa berýine shynaıy tilektespin. Eki el arasyndaǵy yntymaqtastyqtyń «altyn 30 jyldyǵy» aıasynda ıgi maqsat-mindetterimizge qol jetkizip, halyqtarymyzdyń jarqyn bolashaǵy jolyndaǵy syndarly áriptestigimizdi jańa deńgeıge kóterýge aıryqsha mán beremin, – dep jazylǵan jedelhatta.

Qasym-Jomart Toqaev Sı Tszınpınniń asa jaýapty qyzmetine tolaıym tabys, al dostas Qytaı halqyna baq-bereke tiledi.