Memleket basshysy QHR Tóraǵasyna quttyqtaý jedelhatyn joldady

ASTANA. KAZINFORM – Qasym-Jomart Toqaev Sı Tszınpındi Qytaı kúntizbesiniń Jańa jyly – Chýntsze merekesimen quttyqtady. Bul týraly Aqordanyń baspasóz qyzmeti habarlady. 

– Myzǵymas dostyq pen tıimdi yqpaldastyqqa negizdelgen san qyrly qarym-qatynasymyzdyń tyń qarqynmen damyp kele jatqany qýantady. Osy ıgi iske Sizdiń qosqan úlesińizdi joǵary baǵalaımyn. Qazirgideı qubylmaly kezeńde ózara qoldaý kórsetip, halyqaralyq deńgeıde úılesimdi áreket ete otyryp, ortaq múddelerimizdi qorǵaýdyń, elderimiz arasyndaǵy yntymaqtastyqty nyǵaıtýdyń mańyzy zor. Bul baǵyttaǵy Sizdiń berik ustanymyńyzdy tolyq quptaımyn, - dep jazylǵan jedelhatta.

Prezıdent QHR Tóraǵasynyń jahandyq bastamalaryna sáttilik, al Qytaı halqyna baq-bereke tiledi.

Eske sala keteıik, buǵan deıin Memleket basshysy Lıtva prezıdentine quttyqtaý jedelhatyn joldaǵan edi.