Memleket basshysy QHR Tóraǵasyna quttyqtaý jedelhatyn joldady

ASTANA. KAZINFORM — Qasym-Jomart Toqaev Sı Tszınpın men onyń barsha otandasyn «Chýntsze» merekesimen quttyqtap, jedelhat joldady.

Prezıdent jańarý men birlikti, meıirimdilik pen jasampazdyqty dáripteıtin qasterli meıramǵa oraı jyly lebizin jetkizip, elin búgingiden de bıik belesterge jeteleýdi kózdegen QHR Tóraǵasynyń strategııalyq bastamalary men ıgi josparlaryna sáttilik tiledi.

– Qazaqstan men Qytaıdyń máńgi ári jan-jaqty strategııalyq seriktestigi kúnnen-kúnge jandanyp, myzǵymas dostyq pen ózara tıimdi yqpaldastyqtyń úlgi tutarlyq kórinisine aınalǵanyn zor rızashylyqpen atap ótemin. Bul ıgi iske Sizdiń qosyp otyrǵan erekshe úlesińizdi joǵary baǵalaımyn jáne Qytaımen san qyrly yntymaqtastyǵymyzdy odan ári nyǵaıtýǵa múddeli ekenimdi rastaımyn, – dep jazylǵan jedelhatta.

Aıta keteıik, buǵan deıin Memleket basshysy Qasym-Jomart Toqaevtyń Úkimettiń keńeıtilgen otyrysynda sóılegen sózin jarııalaǵanbyz.