Memleket basshysy QHR Tóraǵasyn týǵan kúnimen quttyqtady

ASTANA. KAZINFORM — Qasym-Jomart Toqaev QHR Tóraǵasynyń elimizge sapary onyń týǵan kúnimen tuspa-tus kelip otyrǵanyna erekshe mán berip, Sı Tszınpınge zor densaýlyq, baq-bereke, jaýapty memlekettik qyzmetine tolaıym tabys tiledi, dep habarlaıdy Aqordanyń baspasóz qyzmeti.

— Sizdi Qazaqstanda asa kórnekti memleket qaıratkeri, halyqaralyq qoǵamdastyq aldynda zor abyroı-bedelge ıe kóregen kóshbasshy dep biledi. Elińizdiń qarqyndy damýy Ózińizben tikeleı baılanysty. Sizdiń sarabdal saıasatyńyzdyń arqasynda Qytaı Halyq Respýblıkasy áleýmettik-ekonomıkalyq jańǵyrý jáne azamattardyń ál-aýqatyn jaqsartý isinde eren jetistikke jetetinine senimdimin. Biz jańa tarıhı kezeńde ózine tán ereksheligi bar sotsıalızm negizin qalap jatqan Qytaı halqynyń mol tabystaryna shyn qýanamyz. Sizdiń maǵan jáne barsha Qazaqstan halqyna degen qurmetińizdi joǵary baǵalaımyn, — dedi Qasym-Jomart Toqaev.

Budan buryn Prezıdent Qasym-Jomart Toqaev Aqorda rezıdentsııasynda Qytaı Halyq Respýblıkasynyń Tóraǵasy Sı Tszınpındi qarsy alǵanyn jazǵan edik.

Memleket basshysy ekijaqty qarym-qatynas jyldan jylǵa nyǵaıyp, jańa «altyn kezeńge» qadam basqanyn málimdedi.