Memleket basshysy QHR-diń Qazaqstandaǵy elshisi Han Chýnlındi qabyldady
ASTANA. KAZINFORM – Memleket basshysy Qytaı Halyq Respýblıkasynyń Qazaqstandaǵy elshisi Han Chýnlındi qabyldady, dep habarlaıdy Aqordanyń baspasóz qyzmeti.
Kezdesýde Qasym-Jomart Toqaevtyń Qytaı Halyq Respýblıkasyna jasaıtyn aldaǵy saparyna daıyndyq máseleleri talqylandy. Sondaı-aq Tıantszınde ótetin Shanhaı yntymaqtastyq uıymynyń sammıtine jáne «ShYU plıýs» otyrysyna qatysý baǵdarlamasy pysyqtaldy.
Prezıdent elimizdiń Qytaımen jan-jaqty strategııalyq seriktestikti tereńdetýge basa mán beretinin atap ótti.
Memleket basshysy ShYU sammıti tabysty ótip, Uıym tarıhynyń jańa kezeńine jol ashatynyna senim bildirdi. Bul óńirlik san qyrly baılanystardy odan ári damytýǵa yqpal etedi.
Elshi qazaq-qytaı qarym-qatynasyn barlyq salada nyǵaıtýǵa tyń serpin beretin Beıjiń men Tıantszındegi is-sharalardy nátıjeli ótkizýge bar kúsh-jigerin jumsaıtynyn jetkizdi.
Sonymen qatar kezdesýde eki el arasyndaǵy saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy yqpaldastyqty damytý perspektıvasy qarastyryldy.
Osyǵan deıin Qasym-Jomart Toqaevtyń Sı Tszınpınniń shaqyrýymen Qytaıǵa baratyny týraly jazdyq.