Memleket basshysy QHR-dyń Qazaqstandaǵy jańadan taǵaıyndalǵan elshisin qabyldady
ASTANA. KAZINFORM — Prezıdent QHR-dyń Qazaqstandaǵy jańadan taǵaıyndalǵan elshisi Han Chýnlındi qabyldady. Bul týraly Aqordanyń baspasóz qyzmeti habarlady.
Memleket basshysynyń aıtýynsha, Qazaqstan Qytaı Halyq Respýblıkasymen jan-jaqty strategııalyq yntymaqtastyqty odan ári tereńdetýge aıryqsha mán beredi.
Qasym-Jomart Toqaev Han Chýnlınniń dıplomatııalyq mıssııasy ekijaqty qarym-qatynastar qarqyndy damyǵan kezeńge tuspa-tus kelgenin atap ótip, Qazaqstan tarapynyń Qytaımen ózara yqpaldastyqtyń barlyq baǵytyna tyń serpin berýge daıyn ekenine toqtaldy.
Han Chýnlın QHR Tóraǵasy Sı Tszınpınniń sálemi men yqylasyn jetkizip, eki el arasyndaǵy máńgi strategııalyq seriktestik joǵary deńgeıdegi belsendi saıası dıalogtyń arqasynda buryn-sońdy bolmaǵan dárejege kóterilgenine nazar aýdardy. Sondaı-aq elshi Qytaı men Qazaqstannyń san qyrly baılanysyn odan ári nyǵaıtýǵa jáne ózara yntymaqtastyqtyń joǵary dınamıkasyn saqtaýǵa bar kúsh-jigerin jumsaıtynyna sendirdi.
Kezdesý barysynda ekijaqty kún tártibiniń negizgi máseleleri, sonyń ishinde saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy yqpaldastyqty damytý perspektıvalary talqylandy.