Memleket basshysy QHA Tóraǵasynyń orynbasarlaryn qabyldady
ASTANA. KAZINFORM - Qasym-Jomart Toqaev Qazaqstan halqy Assambleıasy Tóraǵasynyń jańadan taǵaıyndalǵan orynbasarlary Dmıtrıı Ostankovıch pen Rasýl Ahmetovti qabyldap, qyzmetterine tabys tiledi. Bul týraly Aqordanyń baspasóz qyzmeti habarlady.
Prezıdent qoǵamdyq kelisim men jalpyulttyq birlikti qamtamasyz etýge baǵyttalǵan memlekettik saıasatty júzege asyrý isinde QHA erekshe ról atqaratynyn atap ótti.
Kezdesý barysynda Prezıdentke Assambleıanyń aldaǵy XXXIV sessııasyna daıyndyq barysy jáne atalǵan ınstıtýttyń 30 jyldyǵy aıasynda ótkiziletin is-sharalar týraly aqparat berildi.
Memleket basshysy mereıtoılyq is-sharalardy uıymdastyrýǵa Assambleıanyń barlyq etnomádenı birlestikteri men qoǵamdyq qurylymdaryn keńinen tartý mańyzdy ekenine nazar aýdardy.
Kezdesý sońynda Prezıdent etnosaralyq qatynastardy odan ári jetildirý boıynsha birqatar naqty tapsyrma berdi.