Memleket basshysy: Qazaqstan men Reseıdi tatý kórshilik pen ortaq tarıh biriktiredi

ASTANA. KAZINFORM – Memleket basshysy Qasym-Jomart Toqaev  Reseı prezıdenti Vladımır Pýtınniń Qazaqstanǵa jasaǵan memlekettik sapary aıasynda ótken brıfıngide ekijaqty qarym-qatynastyń qaı baǵytta óristep kele jatqanyn aıtty. 

«Sizdiń memlekettik saparyńyz Qazaqstan-Reseı qarym-qatynasynyń damýyndaǵy mańyzdy mejeni belgileıtin shyn mánindegi tarıhı oqıǵa boldy. Reseı – Qazaqstan úshin strategııalyq seriktes jáne senimdi odaqtas.
Bizdi dostyq, ǵasyrlar boıǵy tatý kórshilik pen ortaq tarıh biriktiredi. Memleketterimiz osy teńdessiz qundylyqtarǵa súıene otyryp, bolashaqqa bet burǵan maǵynaly qarym-qatynasty qalyptastyrdy», - dedi Memleket basshysy.

Prezıdent reseılik áriptesimen ótkizgen shaǵyn jáne keńeıtilgen quramdaǵy kezdesýlerge de toqtaldy.

«Kelissózder iskerlikpen, ashyqtyqpen erekshe boldy jáne shyn máninde nátıjeli boldy. Biz kún tártibindegi ózekti máselelerdi talqylap, strategııalyq áriptestigimizdiń perspektıvalyq baǵyttaryn belgiledik. Kúrdeli geosaıası jaǵdaıǵa qaramastan, ekijaqty qatynastar órshil baǵytpen, qarqyndy damyp keledi degen ortaq pikirge keldik», - dedi Qasym-Jomart Toqaev.