Memleket basshysy Qazaqstan halqyn Pasha merekesimen quttyqtady
ASTANA. KAZINFORM – Prezıdent Qasym-Jomart Toqaev Qazaqstan halqyn Pasha merekesimen quttyqtady.
Qurmetti elimizdiń pravoslav qaýymy!
Barshańyzdy Pasha merekesimen quttyqtaımyn. Bul meıram – meıirimdilik pen izgiliktiń kórinisi. Mereke kezinde dindar qaýym zor qýanyshqa keneledi, bolashaǵy jarqyn bolaryna senimi artady.
Jalpyulttyq mádenı kodymyzben berik sabaqtasyp jatqan Pasha dástúrleri jurtty jasampazdyqqa jeteleıdi. Sondaı-aq muqtaj adamdarǵa kómektesýge, jaqyn jandarǵa janashyrlyq tanytýǵa shaqyrady.
Pravoslav qaýymy qoǵamda ózara túsinistik pen kelisimdi saqtaýǵa, birlik jáne tileýlestik sııaqty basty qundylyqtardy ornyqtyrýǵa zor úles qosyp keledi.
Biz halqymyzdyń qaısarlyǵy men yntymaǵynyń arqasynda barlyq qıyndyqty eńseremiz. Ádiletti Qazaqstandy qurý úshin bıik belesterdi baǵyndyra beremiz. Barshańyzǵa zor densaýlyq, baq-bereke jáne tolaǵaı tabys tileımin!
