Memleket basshysy: Qazaqstan halqy Assambleıasy tıimdi qurylymǵa aınaldy
ASTANA. KAZINFORM – Elordadaǵy Beıbitshilik jáne kelisim saraıynda Alǵys aıtý kúnine arnalǵan forým ótip, Qazaqstan halqy Assambleıasynyń 30 jyldyǵynyń resmı ashylý saltanaty ótti.
QHA tóraǵasynyń orynbasary Marat Ázilhanov jınalǵan jurtqa Prezıdent Qasym-Jomart Toqaevtyń osynaý uıymnyń 30 jyldyǵyna arnalǵan quttyqtaý hatyn oqydy.
- Qurmetti assambleıa músheleri! Sizderdi Qazaqstan Halqy Assambleıasynyń qurylǵanyna 30 jyl tolýymen quttyqtaımyn. Assambleıa jyldar boıy halqymyzdyń yrysty yntymaǵyn nyǵaıtýǵa, qoǵamdaǵy ózara túsinistik pen kelisimdi saqtaýǵa ólsheýsiz úles qosyp keledi. Osy uıymnyń belsendi qyzmeti elimizdegi barlyq etnostyń tilin, mádenıeti men salt-dástúrin úılesimdi damytýǵa, sondaı-aq, qazaq tiliniń etnosaralyq qarym-qatynas tili retindegi mártebesin kóterýge jol ashty. Parlamentte ókilderi Qazaqstan halqy assambleıasy memleket pen qoǵam arasynda ashyq dıalog ornatqan tıimdi qurylymǵa aınaldy, - delingen quttyqtaýda.
Memleket basshysy Assambleıa músheleri mańyzdy bastamalar kóterip, elge qajetti jobalardy júzege asyryp jatqanyna aıtady.
- Uıym músheleri Qazaqstandaǵy aýqymdy ózgeristerge de barynsha atsalysyp keledi. Assambleıaǵa ulttyń jańa sapasyn qalyptastyrý, otanshyldyq pen yntymaqtastyq, jasampazdyq pen jaýapkershilik sııaqty basty qundylyqtardy dáripteý jolynda aıryqsha ról atqarady. Sizder elimizdegi beıbitshilik pen turaqtylyqty saqtaý jáne jalpy ulttyq birlikti nyǵaıtý úshin aıanbaı eńbek ete beresizder dep senemin. Jetistikterińiz kóp bolsyn, - dep jazylǵan Prezıdent hatynda.
Aıta ketý kerek, Qazaqstan halqy Assambleıasynyń qurylǵanyna 30 jyl tolyp otyr.