Memleket basshysy Qaýipsizdik Keńesiniń shuǵyl otyrysyn ótkizdi
ASTANA. KAZINFORM - Prezıdent Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń shuǵyl otyrysy ótti, dep habarlaıdy Aqordanyń baspasóz qyzmeti.
Jıynda Ulttyq qaýipsizdik komıtetiniń tóraǵasy Ermek Saǵymbaev, Іshki ister mınıstri Erjan Sádenov jáne Bas prokýror Berik Asylov qazirgi halyqaralyq jaǵdaıdy eskere otyryp, ekstremızm men terrorızmge qarsy áreket etýdiń ózekti máseleleri jóninde baıandady.
Otyrys barysynda quqyq qorǵaý jáne arnaıy organdar qyzmetiniń terrorızmge qarsy kúresti kúsheıtý boıynsha túrli aspektileri qarastyryldy.
Memleket basshysy el azamattarynyń qaýipsizdigin qamtamasyz etý sharalaryn arttyrýǵa baǵyttalǵan birqatar naqty tapsyrma berdi.
Aıta keteıik, Prezıdent búgin HHHІІІ jazǵy Olımpıada oıyndarynyń júldegerlerimen kezdesti.
