Memleket basshysy Qaýipsizdik Keńesiniń shuǵyl otyrysyn ótkizdi

ASTANA. KAZINFORM — Prezıdent Qasym-Jomart Toqaevtyń tóraǵalyǵymen Qaýipsizdik Keńesiniń kólik-tranzıt salasyn damytý máselesine arnalǵan shuǵyl otyrysy ótti. Bul týraly Aqorda habarlady.

Memleket basshysy Qaýipsizdik Keńesiniń shuǵyl otyrysyn ótkizdi
Foto: Aqorda

Jıynda halyqaralyq kólik dálizderin damytý perspektıvasy jáne elimizdiń tranzıt áleýetin nyǵaıtý sharalary qaraldy.

Premer-mınıstrdiń orynbasary – Kólik mınıstri Ásel Janasova, Qarjy mınıstri Mádı Takıev jáne Úkimettiń ózge de músheleri salanyń qazirgi ahýaly, júzege asyrylyp jatqan jobalar men aldaǵy damý baǵyttary týraly baıandama jasady.

Qaýipsizdik Keńesiniń Tóraǵasy álemde kólik-logıstıka baılanystarynyń jańa júıesi qarqyndy túrde qalyptasyp kele jatqanyn atap ótti.

Memleket basshysy halyqqa arnaǵan Joldaýynda elimizdiń tranzıt áleýetin nyǵaıtýdyń negizgi baǵyttary aıqyndalǵanyna nazar aýdaryp, Qazaqstan halyqaralyq kólik qurylymynda proaktıvti pozıtsııa ustanýy kerek ekenin aıtty.

Elimizdiń geografııalyq turǵydan utymdy ornalasýy birqatar artyqshylyq beredi. Alaıda memlekettiń básekege qabilettiligi tasymaldyń jyldamdyǵyna jáne senimdiligine, onyń sharttary men merzimderiniń aldyn ala aıqyn bolýyna, sondaı-aq tarıfterdiń tıimdiligine baılanysty.

Eń aldymen, tranzıttik júkterdi ótkizý múmkindigin arttyryp, otandyq áýe tasymaldaýshylarǵa jaǵdaı jasaý jáne teńiz kóligin damytý kerek.

Aıta keteıik, Qasym-Jomart Toqaev memlekettik kompanııalardaǵy jemqorlyqty azaıtýǵa 24 qarashaǵa deıin ýaqyt berdi.