Memleket basshysy Qaýipsizdik Keńesiniń otyrysyn ótkizdi
ASTANA. KAZINFORM - Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń kezekti otyrysy ótti.
Jıynda ishki jáne syrtqy kóshi-qon salasyndaǵy negizgi úrdister qarastyrylyp, Premer-mınıstrdiń orynbasary Ermek Kósherbaevtyń, sondaı-aq Іshki ister, Tsıfrlyq damý, ınnovatsııalar jáne aeroǵarysh ónerkásibi, Eńbek jáne halyqty áleýmettik qorǵaý mınıstrleriniń aqparaty tyńdaldy.
Memleket basshysy kóshi-qon saıasatyn iske asyrýda geosaıası faktorlar men syn-qaterlerdi, demografııalyq boljamdardy jáne halyqtyń kóshý sebepterin esepke alýdyń mańyzyna toqtaldy.
Prezıdent zańsyz kóshi-qondy boldyrmaý boıynsha baqylaýdy qamtamasyz etý, sondaı-aq eldiń adamı kapıtalyn arttyrýdy yntalandyrý qajettigine nazar aýdardy.
Otyrys qorytyndysy boıynsha Úkimetke birqatar naqty tapsyrma berildi, sonyń ishinde memlekettik organdardyń fýnktsıonaldyq mindetterine saraptama jasaý men qaıta qaraý jáne kóshi-qon salasyndaǵy barlyq aqparattyq júıeni ıntegratsııalaý isin kúsheıtý mindeti júkteldi.
Aıta keteıik, keshe Prezıdent Antıkordyń burynǵy tóraǵasyna rızashylyǵyn bildirdi.