Memleket basshysy Katrına Klaas-Mıýlhoızerdi qabyldady
ASTANA. KAZINFORM – Qasym-Jomart Toqaev pen Germanııa ekonomıkasy Shyǵys komıtetiniń basqarma tóraǵasy, CLAAS Group baıqaýshylar keńesiniń tóraǵasy Katrına Klaas-Mıýlhoızer qazaq-german ekonomıkalyq yntymaqtastyǵyn odan ári nyǵaıtý perspektıvasyn talqylady. Bul týraly Aqorda habarlady.
Prezıdent ekijaqty baılanystardy damytýǵa eleýli úles qosqany úshin Basqarma tóraǵasyna alǵys aıtyp, birlesken bastamalar men jobalardy qoldaý jalǵasatynyna senim bildirdi.
Katrına Klaas-Mıýlhoızer Qasym-Jomart Toqaev pen Qazaqstan halqyn jańa Konstıtýtsııa qabyldaý boıynsha referendýmnyń tabysty ótýimen quttyqtady.
Áńgimelesý barysynda saýda, ınvestıtsııa, ónerkásip baǵyttaryndaǵy yqpaldastyqtyń múmkindikteri mol ekenine nazar aýdaryldy.
Eki eldiń energetıka, mashına jasaý, agroónerkásip kesheni, logıstıka jáne sý resýrstaryn basqarý sııaqty salalardaǵy ózara kooperatsııasyn kúsheıtýge mán berildi.
Sondaı-aq Qasym-Jomart Toqaev pen Katrına Klaas-Mıýlhoızer aldaǵy ýaqytta ótetin S5+Germanııa formatyndaǵy dıalogtyń kún tártibin talqylap, saýda-ekonomıkalyq qatynastardy keńeıtýge ýaǵdalasty.
Qasym-Jomart Toqaev buǵan deıin Electricité de France kompanııasynyń basqarma tóraǵasy jáne bas atqarýshy dırektory Bernar Fontanany qabyldaǵan bolatyn.
