Memleket basshysy Qatar Ámiri sheıh Támım ben Hamad Ál Tánıge kóńil aıtty
ASTANA. KAZINFORM — Qasym-Jomart Toqaev Qatar Ámiri sheıh Támım ben Hamad Ál Tánıge kóńil aıtý jedelhatyn joldady, dep habarlaıdy Aqordanyń baspasóz qyzmeti.
Prezıdent Qasym-Jomart Toqaev jedelhatta Qatar Memleketiniń burynǵy Ámiri, Ámir-Áke sheıh Hamad ben Halıfa Ál Tánıdiń ómirden ozǵany týraly sýyt habardy tereń kúızelispen qabyldaǵanyn jazdy. Memleket basshysy Qatar Ámiriniń jáne onyń áýletiniń, sondaı-aq otandastarynyń qaıǵysyna ortaqtasyp kóńil aıtty.
— Sheıh Hamad ben Halıfa Ál Tánı — Qatardyń ósip-órkendeýine jáne halqynyń baıandy bolashaǵyn qamtamasyz etýge tarıhı úles qosqan, halyqaralyq beıbitshilik pen turaqtylyqty nyǵaıtýǵa rııasyz qyzmet etken birtýar qaıratker. Qazaqstandyqtar ákeńiz sheıh Hamad ben Halıfany parasatty basshy, halyqaralyq deńgeıdegi bedeldi saıasatker, ekijaqty yntymaqtastyqty nyǵaıtýǵa zor eńbek sińirgen tarıhı tulǵa retinde árdaıym esinde saqtaıtyn bolady, — delingen jedelhatta.
Eske salsaq, Qatardyń burynǵy ámiri, resmı túrde «Ámir áke» ataǵyn ıelengen sheıh Hamad ben Halıfa Ál Tanı 74 jasynda dúnıeden ótkeni belgili boldy.
Elde burynǵy ámirdiń qazasyna baılanysty tórt kúndik aza tutý jarııalandy.
Buǵan deıin Memleket basshysy Mońǵolııa Prezıdentine quttyqtaý jedelhatyn joldaǵanyn jazǵan edik.
