Memleket basshysy Qasym-Jomart Toqaevtyń týǵan kúnine oraı quttyqtaý hattary kelip tústi
ASTANA. KAZINFORM- Prezıdent Qasym-Jomart Toqaevtyń týǵan kúnine oraı shet memleketter men úkimetter basshylarynan, parlamentter spıkerlerinen, halyqaralyq uıymdar men dıplomatııalyq mıssııalar ókilderinen quttyqtaýlar men jedelhattar kelip jatyr.
Bul týraly Aqordanyń baspasóz qyzmeti habarlady.
Memleket basshysynyń atyna Reseı Prezıdenti Vladımır Pýtın, QHR Tóraǵasy Sı Tszınpın, Túrkııa Prezıdenti Rejep Taııp Erdoǵan, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Túrikmenstan Halk Maslahatynyń Tóraǵasy Gýrbangýly Berdimuhamedov, Ázerbaıjan Prezıdenti Ilham Álıev, Belarýs Prezıdenti Aleksandr Lýkashenko, Italııa Prezıdenti Serdjo Mattarella, Moldova Prezıdenti Maııa Sandý, Slovakııa Prezıdenti Peter Pellegrını, Majarstan Premer-mınıstri Vıktor Orban, Armenııa Premer-Mınıstri Nıkol Pashınıan, Reseı Federaldy Jınalysy Federatsııa Keńesiniń Tóraıymy Valentına Matvıenko, Tatarstan Raısy Rýstam Mınnıhanov, TMD Bas hatshysy Sergeı Lebedev, Máskeý jáne búkil Reseı patrıarhy Kırıll jáne taǵy da basqa tulǵalar quttyqtaý jedelhattaryn joldady.
Sonymen qatar elimizdiń azamattary, Qazaqstannyń kórnekti saıası jáne qoǵam qaıratkerleri, zııaly qaýym ókilderi júrekjardy lebizderin jetkizdi.
- Quttyqtaý hattary men jedelhattar áli de kelip túsýde, - delingen habarlamada.
Osyǵan deıin Prezıdenttiń birqatar memlekettiń basshylarymen telefon arqyly sóıleskeni týraly jazdyq.