Memleket basshysy Qasym-Jomart Toqaev Polıtsııa kúnine arnalǵan kontsertti tamashalady

ASTANA. KAZINFORM — «Zań jáne tártip» aptalyǵy aıasynda ótken merekelik is-sharaǵa quqyq qorǵaý qurylymdarynyń basshylary, Іshki ister mınıstrliginiń jeke quramy, ardagerler, sondaı-aq azamattardy qutqarý úshin ómirin qurban etken polıtsııa qyzmetkerleriniń jaqyndary qatysty.

Kontsertte otandyq óner sheberleriniń shyǵarmalary usynyldy. 

Kásibı mindetin oryndaý kezinde qaza bolǵan quqyq qorǵaý organdarynyń qyzmetkerlerin eske alǵan rekvıem kópshiliktiń kóńilin qozǵady. 

Foto: Aqorda

«Jas saqshy» polıtsııa synyby oqýshylarynyń oryndaýyndaǵy án de erekshe jyly áser qaldyrdy.

Aıta keteıik, Prezıdent qoǵamdyq tártipke úles qosqandardy marapattady.