Prezıdent Máskeýde ótetin Jeńistiń 81 jyldyǵyna arnalǵan is-sharalarǵa qatysady
ASTANA. KAZINFORM – Memleket basshysy Qasym-Jomart Toqaev Máskeýde ótetin Jeńistiń 81 jyldyǵyna arnalǵan saltanatty is-sharalarǵa qatysady. Bul týraly Prezıdenttiń keńesshisi – Baspasóz hatshysy Aıbek Smadııarov habarlady.
– Kreml Qazaqstan Prezıdentiniń bul sheshimine rızashylyq bildirip, Máskeýge jasaıtyn jumys saparyn dostyq qadam dep atady.
Sapar aıasynda Qasym-Jomart Toqaevtyń Vladımır Pýtınmen kezdesýi josparlanǵan.
Memleketter basshylary Reseı Prezıdentiniń mamyr aıynyń sońynda Qazaqstanǵa jasaıtyn sapary qarsańynda strategııalyq yntymaqtastyqtyń basty máselelerin talqylaıdy, - dep jazdy Aıbek Smadııarov.
Eske sala keteıik, buǵan deıin Memleket basshysy «Alataý qalasynyń arnaýly quqyqtyq rejımi týraly» Qazaqstan Respýblıkasynyń Konstıtýtsııalyq zańyna qol qoıǵanyn jazǵan edik.
