Prezıdent: Biz jurt bolyp jumyla bilsek, bıik belesterdi baǵyndyramyz
ASTANA. KAZINFORM – Memleket basshysy Qasym-Jomart Toqaev Qazaqstan halqynyń birligi merekesimen quttyqtap, barshaǵa baq-bereke tiledi. Bul týraly Aqordanyń baspasóz qyzmeti habarlady.
Memleket basshysy Qasym-Jomart Toqaevtyń Qazaqstan halqynyń birligi merekesimen quttyqtaýy
Qurmetti otandastar!
Qazaqstan halqynyń birligi merekesi qutty bolsyn!
Bul – memleketimiz úshin aıryqsha máni bar meıram. Jurtymyz ortaq qundylyqtarǵa negizdelgen jasampaz maqsattarǵa jetý jolynda bar kúsh-jigerin jumyldyryp, bolashaqqa senimmen qadam basyp keledi.
Keń baıtaq jerimizde túrli etnos ókilderi ózara kelisimde, tatý-tátti ómir súrip jatyr.
Bıyl Qazaqstan halqy Assambleıasynyń qurylǵanyna 30 jyl toldy.
Osy biregeı uıym áýel bastan elimizdegi beıbitshilik pen tatýlyqtyń jarshysyna aınaldy. Assambleıa azamattarymyzdyń ózara qurmeti men yrysty yntymaǵyna súıenip, ultty uıystyrýǵa eleýli úles qosyp keledi.
Halqymyzdyń aýyzbirshiligi men tileýlestiginiń arqasynda memleketimiz damyp, qolǵa alynǵan aýqymdy reformalar tabysty júzege asyryla beredi.
Elimiz teńdikke, ózara senimge jáne mádenı áralýandylyqtyń jasampaz áleýetine arqa súıep, el birligin odan ári nyǵaıta túsedi.
Biz jurt bolyp jumyla bilsek, kez-kelgen synaqty eńserip, bıik belesterdi baǵyndyramyz.
Ultymyzdyń arman-muraty – Ádiletti ári Qýatty Qazaqstandy birge quramyz.
Barshańyzǵa baq-bereke tileımin! Birligimiz bekem, aspanymyz ashyq bolsyn!