Memleket basshysy Kanada Premer-mınıstrine kóńil aıtty

ASTANA. KAZINFORM — Memleket basshysy Kanada Premer-mınıstrine kóńil aıtý jedelhatyn joldady. Bul týraly Aqordanyń baspasóz qyzmeti habarlady.

Qasym-Jomart Toqaev Tambler-Rıdj qalasyndaǵy orta mektepte bolǵan atys saldarynan jazyqsyz adamdardyń qaza tabýyna baılanysty Kanada Premer-mınıstri Mark Karnıge kóńil aıtty.

Qazaqstan Prezıdenti Kanada halqynyń qaıǵysyna ortaq ekenin jetkizip, qaıtys bolǵan azamattardyń otbasylaryn sabyrǵa shaqyrdy, sondaı-aq zardap shekken adamdardyń tezirek saýyǵyp ketýlerine tilektestigin bildirdi.

Aıta keteıik, Kanadada mektepte atys bolyp, on adam qaza tapty.

Kanadanyń Tambler-Rıdj qalasyndaǵy mektepte atys uıymdastyrǵan kúdiktiniń anasy men 11 jastaǵy týysynyń denesi oqý ornyna jaqyn ornalasqan úıden tabyldy.