Memleket basshysy Kambodja Premer-mınıstrin quttyqtady
ASTANA. KAZIFORM – Qasym-Jomart Toqaev Premer-mınıstr Hýn Manetke Kambodja Koroldiginiń Ulttyq kúnine oraı quttyqtaý jedelhatyn joldady.
Qazaqstan Prezıdenti aıtýly mereke Kambodja halqynyń baı tarıhı-mádenı murasyn, ulttyq birligi men yntymaǵyn ulyqtaıtynyn atap ótken. Sondaı-aq ekijaqty yntymaqtastyq dáıekti túrde damyp kele jatqanyna toqtalǵan.
– Jýyrda Qazaqstanǵa jasaǵan saparyńyzdyń nátıjesin naqty iske asyrýǵa den qoıyp otyrmyz. Qol jetkizilgen ýaǵdalastyqtar elderimiz arasyndaǵy dostyq baılanystardy odan ári nyǵaıtýǵa tyń serpin beredi dep senemin, – delingen jedelhatta.
Qasym-Jomart Toqaev Hýn Manettiń jaýapty memlekettik qyzmetine mol tabys, al Kambodja halqyna qut-bereke tiledi.
