Memleket basshysy Ispanııany fýtboldan álem chempıony atanýymen quttyqtady
ASTANA. KAZINFORM - Qazaqstan Prezıdenti Korol VI Felıpe men barsha ıspan halqyn Ispanııa ulttyq quramasynyń fýtboldan álem birinshiligindegi jarqyn jeńisimen jáne eki dúrkin álem chempıony atanýymen quttyqtady, dep habarlaıdy Aqordanyń baspasóz qyzmeti.
– Ulttyq quramańyzdyń joǵary sheberligi, úılesimdi komandalyq oıyny jáne jeńiske degen jigeri mıllıondaǵan jankúıerdi tánti etti. Ispanııanyń jahandyq deńgeıde moıyndalǵan fýtboldan ozyq tájirıbesi barshaǵa úlgi. Osy rette bıyl Qazaqstanda «Atletıko Madrıd» klýby akademııasynyń ashylǵanyn erekshe qýanyshpen atap ótemin. Bul bastama halyqtarymyz arasyndaǵy dostyq pen san qyrly yntymaqtastyqty nyǵaıtýǵa, sondaı-aq jastar arasyndaǵy baılanystardy tereńdetýge zor serpin bererine kámil senemin, – dep jazylǵan jedelhatta.
Qasym-Jomart Toqaev VI Felıpeniń el múddesine baǵyttalǵan ıgi bastamalaryna sáttilik, al dostas ıspan halqyna baq-bereke tiledi.
Aıta keteıik, bıyl Ispanııa fýtboldan 2026 jylǵy álem chempıony atyndy.
