Memleket basshysy Irak Prezıdentin quttyqtady

ASTANA. KAZINFORM - Qasym-Jomart Toqaev Nızar Amıdıdi Irak Respýblıkasynyń Prezıdenti bolyp saılanýymen quttyqtady, dep habarlaıdy Aqordanyń baspasóz qyzmeti.

Qazaqstan Prezıdenti Irak memleketi men halqynyń jarqyn keleshegin qamtamasyz etýge baǵyttalǵan Nızar Amıdıdiń bastamalaryna sáttilik tiledi.

Sondaı-aq eki el arasyndaǵy dástúrli dostyq pen ózara qoldaý rýhyndaǵy yntymaqtastyqtyń odan ári damı túsetinine senim bildirdi.

Osyǵan deıin Qasym-Jomart Toqaev pravoslav qaýymyn Pasha merekesimen quttyqtaǵan bolatyn.