Memleket basshysy Indonezııa prezıdentine quttyqtaý jedelhatyn joldady
ASTANA. KAZINFORM – Qasym-Jomart Toqaev Prabovo Sýbıantony Indonezııa Respýblıkasy táýelsizdiginiń 80 jyldyq mereıtoıymen quttyqtady. Bul týraly Aqordanyń baspasóz qyzmeti habarlady.
– Men Astana jáne Djakarta arasyndaǵy ózara túsinistik pen ortaq qundylyqtarǵa negizdelgen senimdi yntymaqtastyqty joǵary baǵalaımyn. Osy oraıda, ózińizben birlesip, eki eldiń dostyq qarym-qatynasyn odan ári damyta túsýge bar kúsh-jigerimdi jumyldyrýǵa daıyn ekenimdi málimdeımin, - dep jazylǵan jedelhatta.
Qasym-Jomart Toqaev Indonezııa prezıdentiniń syndarly saıasaty men kóshbasshylyq qasıetteriniń arqasynda Indonezııa Respýblıkasy aldaǵy ýaqytta da bıik belesterdi baǵyndyra beretinine senim bildirdi.
Eske sala keteıik, buǵan deıin Prezıdent Qasym-Jomart Toqaev Úndistan Respýblıkasynyń Táýelsizdik kúnine oraı Premer-mınıstr Narendra Modıge quttyqtaý jedelhatyn joldaǵan edi.