Memleket basshysy Indonezııa Prezıdentine quttyqtaý jedelhatyn joldady
ASTANA. KAZINFORM - Qasym-Jomart Toqaev Prezıdent Djoko Vıdodony IndonezııanyńTáýelsizdik kúnimen quttyqtady, dep habarlaıdy Aqordanyń baspasóz qyzmeti.
Prezıdent Indonezııanyń áleýmettik-ekonomıkalyq baǵyttaǵy zor jetistikterin atap ótip, eki el arasyndaǵy qarym-qatynasty odan ári nyǵaıtýǵa beıildi ekenin jetkizdi.
Memleket basshysy Prezıdent Djoko Vıdodonyń barlyq ıgi bastamasyna tabys, al dostas Indonezııa halqyna baq-bereke tiledi.
Budan buryn QR Mádenıet jáne aqparat Vıtse-mınıstri Erbol Áliqulov Indonezııa Bilim, mádenıet, zertteýler jáne tehnologııalar mınıstrliginiń Mádenıet basqarmasynyń bas dırektory Hılmar Farıdpen jáne Indonezııanyń QR-daǵy Elshisi Mohamad Fadjrýl Rahmanmen kezdesken bolatyn.
Erbol Áliqulov ótken jyly Qazaqstan men Indonezııanyń dıplomatııalyq qarym-qatynasyna 30 jyl tolǵanyn atap ótken edi.
