Memleket basshysy Horvatııa Prezıdentine quttyqtaý jedelhatyn joldady

ASTANA. KAZINFORM – Qasym-Jomart Toqaev Zoran Mılanovıchti Horvatııa Respýblıkasynyń Ulttyq merekesi – Memlekettilik kúnimen quttyqtady. Bul týraly Aqordanyń baspasóz qyzmeti habarlady. 

Prezıdent Astana men Zagreb arasyndaǵy saıası dıalogtyń, ekonomıkalyq jáne mádenı yntymaqtastyqtyń aıasy keńeıip kele jatqanyn atap ótti. Sonymen qatar dostyq pen ózara túsinistikke negizdelgen qarym-qatynastyń damı beretinine senim bildirdi.

Qasym-Jomart Toqaev Zoran Mılanovıchtiń jaýapty memlekettik qyzmetine tolaǵaı tabys, horvat halqyna qut-bereke tiledi.