Memleket basshysy Horvatııa Prezıdenti bolyp qaıta saılanǵan Zoran Mılanovıchti quttyqtady

ASTANA. KAZINFORM — Qasym-Jomart Toqaev Prezıdent saılaýynda jeńiske jetken Zoran Mılanovıchke quttyqtaý jedelhatyn joldady.

Qazaqstan Prezıdenti jedelhatta Zoran Mılanovıchtiń jeńisin Horvatııanyń bolashaǵyn jarqyn etýge baǵyttalǵan saıasatyna kórsetilgen senimniń aıqyn dáleli dep baǵalady. 

Memleket basshysy Astana men Zagreb arasyndaǵy dostyq pen ózara túsinistikke negizdelgen ekijaqty qarym-qatynastar qos halyqtyń ıgiligi úshin odan ári nyǵaıatynyna úmit artatynyn jetkizdi.

Aıta keteıik, buǵan deıin Horvatııadaǵy prezıdent saılaýynda Zoran Mılanovıch jeńiske jetkenin jazǵanbyz.