Memleket basshysy Grýzııa Prezıdentin Táýelsizdik kúnimen quttyqtady

ASTANA. KAZINFORM –  Qasym-Jomart Toqaev Grýzııanyń Táýelsizdik kúnine oraı osy eldiń Prezıdenti Mıhaıl Kavelashvılıge quttyqtaý jedelhatyn joldady. Bul týraly Aqordanyń baspasóz qyzmeti habarlady. 

Qazaqstan Prezıdenti keıingi jyldary Grýzııanyń demokratııalyq ınstıtýttardy nyǵaıtý, ekonomıkany jańǵyrtý jáne azamattardyń ál-aýqatyn kóterý isinde aıtarlyqtaı jetistikke jetkenin atap ótti. 

Qasym-Jomart Toqaev Mıhaıl Kavelashvılıdiń jaýapty memlekettik qyzmetine tolaǵaı tabys, al dostas Grýzııa halqyna baq-bereke tiledi.

Aıta ketelik Qasym-Jomart Toqaev memleket jáne qoǵam qaıratkeri Ravıl Shyrdabaevqa «Otan» ordenin, Qazaqstannyń eńbek sińirgen qaıratkeri Serik Toqpanovqa I dárejeli «Barys» ordenin saltanatty túrde tabystaǵan edi.