Memleket basshysy Grýzııa prezıdenti Mıhaıl Kavelashvılımen kezdesý ótkizdi
ASTANA. KAZINFORM – Astanada ótip jatqan Óńirlik ekologııalyq sammıt aıasynda Qasym-Jomart Toqaev Mıhaıl Kavelashvılımen kezdesti. Bul týraly Aqordanyń baspasóz qyzmeti habarlady.
Taraptar qazaq-grýzın qarym-qatynasynyń qazirgi jaı-kúıi men damý perspektıvasyn qarastyrdy.
Memleket basshysy Grýzııa Qazaqstannyń Ońtústik Kavkazdaǵy mańyzdy ári senimdi seriktesi sanalatynyn atap ótip, ózara yqpaldastyqqa tyń serpin berýge daıyn ekenin rastady.
Prezıdentter yntymaqtastyqtyń qarqyn alǵanyna mán berip, saýda-ekonomıkalyq baılanystardy arttyrý qajettigin aıtty.
Kezdesýde birlesken ınfraqurylymdyq jáne ınvestıtsııalyq jobalardy júzege asyrý, isker ortanyń aıasyn keńeıtý, sondaı-aq eki eldiń kólik-tranzıt áleýetin tıimdi paıdalaný máseleleri pysyqtaldy.
Qasym-Jomart Toqaev pen Mıhaıl Kavelashvılı jahandyq jáne óńirlik kún tártibi jóninde pikir almasty.
Eske salsaq, osyǵan deıin Memleket basshylary Óńirlik ekologııalyq sammıttiń kórme pavılondaryn aralaǵanyn jazǵan edik.
