Memleket basshysy Grekııa prezıdentine quttyqtaý jedelhatyn joldady
ASTANA. KAZINFORM – Memleket basshysy Qasym-Jomart Toqaev Grekııa prezıdenti Konstantınos Tasýlasqa quttyqtaý jedelhatyn joldady. Bul týraly Aqordanyń baspasóz qyzmeti habarlady.
Prezıdent Qasym-Jomart Toqaev Konstantınos Tasýlasty Grek Respýblıkasynyń ulttyq merekesi – Táýelsizdik kúnimen quttyqtady.
– Qazaqstan men Grekııa arasyndaǵy dostyq pen ózara yntymaqtastyqqa negizdelgen qatynastardyń tuǵyry berik, áleýeti zor ekenin atap ótkim keledi. Bolashaqta da san qyrly yntymaqtastyǵymyz halyqtarymyzdyń ıgiligi úshin bekı túsedi dep senemin, – delingen jedelhatta.
Qasym-Jomart Toqaev Konstantınos Tasýlastyń asa jaýapty qyzmetine tolaıym tabys, al Grekııa halqyna qut-bereke tiledi.
Eske sala keteıik, buǵan deıin Erdoǵan Toqaevty cáýirde ótetin Dıplomatııalyq forýmǵa shaqyrǵanyn habarlaǵan edik.