Memleket basshysy Grekııa Prezıdentin Táýelsizdik kúnimen quttyqtady

ASTANA. KAZINFORM – Aqorda Memleket basshysynyń Grekııa Prezıdentin Táýelsizdik kúnimen quttyqtaǵanyn habarlady.

Prezıdent Astana men Afına arasyndaǵy dostyq pen ózara túsinistikke negizdelgen kópqyrly yntymaqtastyqtyń aıasy jyldan-jylǵa keńeıip kele jatqanyn rızashylyqpen atap ótti. Sondaı-aq birlesken kúsh-jigerdiń arqasynda elderimizdiń seriktestigi bolashaqta da udaıy nyǵaıa beretinine senim bildirdi.

Qasym-Jomart Toqaev Grekııa Prezıdenti Konstantınos Tasýlastyń jaýapty memlekettik qyzmetine tolaǵaı tabys, dostas grek halqyna órkendeý men qut-bereke tiledi.

Buǵan deıin Memleket basshysy Kırstı Koventrıdi HOK prezıdenti bolyp saılanýymen quttyqtaǵan.