Memleket basshysy Grekııa Premer-mınıstrimen kezdesti
ASTANA. KAZINFORM - Memleket basshysy Qasym-Jomart Toqaev Grekııa Premer-mınıstri Kırıakos Mıtsotakıspen kezdesti, dep habarlaıdy Aqorda.
Prezıdent Qasym-Jomart Toqaev BUU Klımattyń ózgerýi týraly negizdemelik konventsııasyna qosylýshy taraptardyń 29-shy konferentsııasy (SOP29) aıasynda Grekııa Premer-mınıstri Kırıakos Mıtsotakıspen kezdesý ótkizdi.
Memleket basshysy Grekııany Qazaqstannyń Jerorta teńizi aımaǵy jáne Eýropa Odaǵyndaǵy senimdi seriktesi retinde atap ótip, Afıny elimizdiń Eýropa Odaǵyna múshe memleketter arasyndaǵy bes iri saýda áriptesiniń biri ekenine nazar aýdardy.
Óz kezeginde Kırıakos Mıtsotakıs qazaq-grek yntymaqtastyǵynyń áleýetin joǵary baǵalap, barlyq baǵyttaǵy ózara baılanystardy tereńdetýge daıyndyǵyn jetkizdi.
Qasym-Jomart Toqaev pen Kırıakos Mıtsotakıs saýda-ekonomıkalyq, ınvestıtsııalyq jáne mádenı-gýmanıtarlyq qarym-qatynasty nyǵaıtýǵa beıil ekenin rastap, ózara saýda-sattyqty ártaraptandyrýdyń mańyzdylyǵyna toqtaldy.
Kezdesýde belsendi saıası dıalog júrgizý jóninde ýaǵdalastyq jasaldy. Grekııa Úkimetiniń basshysy Prezıdent Qasym-Jomart Toqaevtyń Qazaqstanǵa saparmen kelý týraly usynysyn rızashylyqpen qabyl aldy.
Eske salaıyq, Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi. Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi. Sondaı-aq Qasym-Jomart Toqaev SOP29 cammıtinde birqatar eldiń basshylarymen áńgimelesti. Búgin Bakýde Qazaqstan, Ázerbaıjan jáne Ózbekstan prezıdentteri úsh eldiń energetıkalyq júıesin ıntegratsııalaý jónindegi kelisimge qol qoıdy.
