Memleket basshysy halyqaralyq boks federatsııasynyń prezıdenti atanǵan Golovkındi quttyqtady
ASTANA. KAZINFORM — Qasym-Jomart Toqaev Gennadıı Golovkındi World Boxing halyqaralyq federatsııasynyń prezıdenti bolyp saılanýymen quttyqtady, dep habarlaıdy Aqordanyń baspasóz qyzmeti.
— Bul — Gennadıı Golovkınniń eren eńbegine berilgen laıyqty baǵa. Dańqty otandasymyz olımpıadalyq sport túri boıynsha halyqaralyq federatsııany basqaratyn Qazaqstannyń alǵashqy ókili atandy, — delingen quttyqtaýda.
Budan buryn habarlanǵandaı, Gennadıı Golovkın World Boxing federatsııasynyń prezıdenti bolyp saılandy.
Búgin, 23 qarashada Italııa astanasy Rımde halyqaralyq boks kongresi uıymdastyryldy. Shara barysynda World Boxing federatsııasynyń prezıdenti saılanýy tıis boldy. Qazaqstannyń Ulttyq Olımpıada komıtetiniń prezıdenti, ańyzǵa aınalǵan boksshy Gennadıı Golovkın úmitkerlerdiń biri retinde tańdaldy.
Osyǵan deıin Gennadıı Golovkın saılaý aldynda óziniń aldaǵy jumysynyń negizgi 4 baǵytyn atady.