Memleket basshysy GITEX AI Central Asia & Caucasus kórmesine bardy
ASTANA. KAZINFORM — Prezıdent Qasym-Jomart Toqaev GITEX AI Central Asia & Caucasus 2026 halyqaralyq tehnologııalyq kórmesin aralap kórdi, dep habarlaıdy Aqordanyń baspasóz qyzmeti.
Bul álemde tsıfrlyq tehnologııalar men ınnovatsııalar salasy boıynsha eń iri platformalar qataryndaǵy GITEX jahandyq ekojúıesiniń bir bóligi sanalady.
Memleket basshysyna Al-Farabium sýperkompıýteriniń múmkindikteri men onyń bazasynda iske asyrylǵan ondaǵan jobalar, sonyń ishinde «Qazaqtelekom» AQ baılanys ortalyǵynyń tutynýshylar shaǵymyn operatordyń qatysýynsyz óńdeıtin JI-assıstenti tanystyryldy.
Bul tsıfrlyq sheshim qońyraýdy zańdy tulǵa nemese alaıaq shalǵanyn anyqtap, ony antıfrod koll ortalyqqa jiberedi, osylaısha, quqyq qorǵaý organdaryna aqparat berýge kómektesedi.
Sondaı-aq Prezıdentke bank júıesindegi jobalar jóninde málimet berildi. Olar retteletin, ashyq jáne aýqymdy tsıfrlyq aktıvter ekojúıesin qurýǵa, ınfraqurylymdy (krıpto hab) damytýǵa jáne halyq pen bızneske qyzmetterdiń tolyq spektrin usynýǵa baǵyttalǵan.
Tsıfrlyq aktıvter naryǵyn damytý aıasynda Qazaqstan qor bırjasynda (KASE) token túrinde qarjy quraldaryn shyǵarý qarastyrylyp jatyr.
Budan buryn Prezıdent Ghtpbltyn Defense Tech qorǵanys pen qaýipsizdik salasyndaǵy ınnovatsııalardy qoldaý ortalyǵyn kórgen edi.
