Memleket basshysy G42 kompanııasynyń basqarma tóraǵasy Peng Sıaony qabyldady
AQTAÝ. KAZINFORM - Memleket basshysy G42 kompanııasynyń basqarma tóraǵasy Peng Sıaony qabyldady, dep habarlaıdy Aqordanyń baspasóz qyzmeti.
Baspasó qyzmetiniń málimetterine qaraǵanda, Qasym-Jomart Toqaevqa Qazaqstanda jasandy ıntellekt tehnologııalaryn damytý boıynsha buǵan deıingi kezdesýlerde qol jetkizilgen ýaǵdalastyqtardy júzege asyrý barysy jóninde málimet berildi.
Sonymen qatar Smart City júıesin engizý baǵytynda yntymaqtastyqtyń perspektıvasy talqylandy. Joba zamanaýı tehnologııalyq sheshimderdiń kómegimen qala turǵyndarynyń ómir súrý sapasyn jaqsartýǵa baǵyttalǵan.
Kezdesýde ınnovatsııalyq tehnologııa jáne «aqyldy» ınfraqurylym salalarynda Qazaqstan men G42 kompanııasy arasyndaǵy yqpaldastyqty keńeıtýdiń tyń múmkindikteri qarastyryldy.
Osyǵan deıin Qazaqstan men Kanada energetıkadaǵy tehnologııa boıynsha yntymaqtastyqty nyǵaıtqaly jatqany týraly jazdyq.
